مشكلتنا

مشكلتنا يا مصريين
اننا لما بنكلم ع وضع أو موقف مهما كان حجمه اننا بنتكلم بس و بيطلع مننا احلى كلام و بنتفلسف بس و بيبان اسلوبنا اللبق فى الكتابة
بس و بعدين ؟!!
ولا قبلين بنطلع الكلمتين اللى تعبنا لغيرنا
غيرنا حاجة؟!
ولا الهوا
طب بعد نبح الصوت ده اتغيرت حاجة؟!
و لا اى اندهاش
طب بتتكلم ليه؟!
علشان تعبان
طب تعبان فكر فى حل لتعبك و نفذه؟!
مش عارفة ، مش هقدر ، مش معايا الامكانيات
خلاص ما تعقدش تعيد و تزيد فى الموضوع
و ماتعقدش تتطلع كل البلاوى اللى فى الحياة و اللى فى البلد كل شوية و تبان انك الناقد الفليسوف فى الحياة
لان مادام انت مش هتعرف تغير بترغى كتييييير ليه
و مادام انت رغييييت كتيييير و مافيش حاجة اتغيرت خلاص اسكت..
ارغو و اتفلسفوا فى الحاجات اللى مقدرتك انت اللى تقدر تغيرها فيك و فى غيرك
علشان لما تبتدى تغير نفسك و تغير المجتمع الصغير اوووى اللى عرفينك بالتدريج الكل هيتغير
ماتطلبش تغيير مجتمع و أفراده نفسهم العيب فيهم....وشكرا