بيت ربنا

الواحد يومه كالاتى
بيصحى من النوم ده لو كان نام
و يفضل يعافر دول اليوم
و الدنيا تخبط فى يمين و شمال
و تمسك روحوا تمزقها حتين
و تتلطش منها صبح و ليل
و تقع و تقوم و تقوم و تقع
و تبان قدامها صخر عنيد
و اول ما ندخل بيت ربنا
الدموع لوحدها تنزل من عينيك
بس بتتعك فى عينك علشان ما تبنش دموعك
اصل انت من جواك بتصرخ و تبكى
و اول ما بتدخل بيت ربنا بتحكى و نرمى
همومك كلها عليه

الاكتئاب

و يجوا للبنات و يقولولهم لازم تخسوا
و اول ما يخسوا يقولولهم
الله شكلك حلو
خسيتى ازاى؟
:"بالاكتئاب"😞

نهاية و الا بدايات

احنا ناس ميتة عايشة
احنا ناس فى الهوا ماشية
احنا ناس من الهم ما بقتش شايفة
احنا ناس الالم جواها شايلة
احنا ناس لما بتاكل مش حاسة
فى بوقها الشاى و الشكولاتة ليهم طعم واحد
احنا ناس بتحلم و بتتمنى
و وصلت فى احلامها انها مابقتش قادرة تتخيل
احنا ناس فى منها ناس مش لائية لحياتها اجابات
بتطرح اسئلتها ع جوجل يمكن تلائى لحكايتها نهايات
احنا ناس حياتها واقفة مش عارفة ديه نهاية و الا بدايات

مش بالسن

فى ناس شغلها الشاغل
الدبلة فى انى ايد و انى صباع
و فى ناس شغلها الشاغل
هتقضى يومها ازاى و بتكلفة اد ايه
فى ناس شغلها الشاغل هنلبس ايه بكرة
القميص مظبوط و الا لا فى نقطة بقعة ع الجزمة
و فى ناس شغلها الشاغل هنطلع من الموضوع ده ازاى هنتصرف فى الازمة ديه ازاى
مش بالسن صدقونى مش بالسن
و الا بالعضلات الحياة مش محتاجة بلطجة
هى بس الحكاية كتر صدمات و تجارب
مواقف و ازمات بتيجى عشوائى لأى سن فى اى حد و فى اى وقت
بس الفرق بين واحد فكر فيها و حاول يحلها
و واحد افتكر ان ماديات ابوه و امه هتحلها

غريبة يا دنيا.... غرييب يا زمن

غريببة يا دنيا  غريب يا زمن
و بقينا نضحك من الهم و من النكد
بقينا نبص ع ناس بتبص ع ناس غيرها بقرف
بتتعامل مع الغير بالشكل و المنظرة
و اللى جوا بقى اجوف لونه ذى الصدأ
وشوش مرسوسة ع رفوف البشر
و ضحكات متعلقة ع شماعة الفرح
بقوا الناس يبصوا ع جيوب الناس
و يصادقوا اللى جيوبهم متشخللة بالذهب
سكرات الموت بتتزف ع كل حيوان و كل بشر
بس مين يلاحظ قبل الوقت و قبل القدر
يادنيا غريبة و يا زمن اغرب
الفصل الاخير فى مسرحيتك قرب ينتهى و يكسر

راحة

و مين فينا ملهوش نفس يرتاح من التفكير
يرتاح راحة نابعة من جواه راحة ضمير
و مين فينا ملهوش نفس ينام
ينام ساعة بس بالنسباله ساعات
و مين فينا ملهوش نفس ياكل
باكل ياكل بس يحس بطعم اللى بيتاكل
و مين فينا ملهوش نفس يسافر
يقعد قدام البحر بدل ما بيفكر فى مشكله وفيها بيذاكر
و مين فينا ملهوش نفس يحلم ببكرة
يحلم و يتخيل بس يعرف يحقق
و مين فينا ما بيقولش نفسى ارتاح
الكلمة خارجة من القلب لكنه مش مرتاح
يارب يارب يارب راحة
راحة نفس و قلب و بال مرتاح يارب

5 دقايق

ال 5 دقايق فى ال 24 ساعة كلها بمثابة 24 ساعة فى ال 24 ساعة
بس بس للناس اللى مشاكلها حواليها و ربطها و هى عايشة فى دنيا دماغها مش فيها 

صدمات

الدنيا ديه عايزة واحد
ياخد صدماتها و يفضل واقف
صدمة موت عزيز او غيابه
صدمة خسارة اموال
صدمة خسارة عيال و ازواج و زوجات
المهم تفضل تستقبل فى صدمات و انت صالب طولك واقف ع رجلك
ما توقعش من للصدمات
ذي ايوب لما خسر كل ما يملك فى الحياة

نهاية العالم ع الابواب

احنا فى زمن يكسف
ما فيش حد بقى يحترم كبار السن.
الكل عايز اللى يهمه و خلاص.
مش مهم انت تعبان او مجروح اولع بجاز
المهم ما تخرجش اللى قدامك  من دايرة الوهم ان الحياة مش بمبى وان العيب مش فيك انت ابسلوتلى العيب فى هو لان ما دام مش شايل هم يبقى هو مش عايش غير فى المشمش بتاعه.
بقينا نتعامل مع بعض بالمظهر  بالشكل بكمية الاكسسوارات بكام كلمة انجليزى بنتكلمها و ازاى بنكتب فرانكو صح بس
ما بقناش مبص ع الجوهر و الشخصية و الاخلاق للاسف باين ان نهاية العالم ع الابواب
ما دام حال الناس و مفاهيمهم و ضمائرهم انعدمت كدة.

فى حاجات تتحس و ما تتقالش

اه فى حاجات تتحس و ما تتقالش
و ان جيت اقولها للناس ما بتفهمش
و ان جيت تكتبها ما بتتصغش
 فبمسك قلمى و ارسم فى كراستى
خطوط ما بتتفهمش
متداخلة ما تتشفش
لكن لكل خط متمايل حكاية ما بتخلصش
و بمد الخط و ايدى ما بتوقفش
اصل لكل اعوجاج حكاية ما بتكلمش
غير لما عينى ما بتنمش
و بشوف وسط الخطوط
وش ما بيفرحش
انا و غيرى من الناس اللى ما بترتحش
حياتى عبارة خطوط متداخلة
متمايلة متراقصة
ما بتتوضحش

اه الباب ذى الانسان

الباب ذى الانسان
اه ذى الانسان
ليه ايد بنمسك فيها (الاوكرة)
ليه مفاصل بيتحرك بيها
بيتحرك خطوة لقدام
و بيرجع الف خطوة ليها
و يا ما يا ما ياما بيترذع
فى الحيط بتخبط
ذى الدنيا لما بتخبط فينا بناسها
مليون قلم ع وشنا و الف قفا
اه الباب ذى الانسان
من كتر الرذع مفصله بتزيق
و بيقولولك حط زيت يلين
ذى الانسان لما الناس بتلين
مخه بكلمتين
اه الباب ذى الانسان
لما من كتر الرزع خشبه بيتفلق
و لونه بيتغير
و منظره بيقرف
و يجى يبيضوه
علشان شكله يبقى احسن
ذى الانسان  لما بيتعب و علشان
يعيش فى عالم
الناس ما بتخدش غير بالمظهر
لازم يلبس و يتشيك و يتمنظر
علشان منظره ما يكونش بيقرف
اه الباب ذى الانسان
لان ذى ما بيبيضوه و ينسوا
ان ورا اللون ده
خشب متفلق
برده الناس اللى بتاخد بالمظهر
بتنسى ان ورا اللبس و المنظر
فى واحد مكسور نفسه

هل بالايمان الوهم حقيقة ؟!

كتير فى حياتنا
بيعدى علينا
كلام و وعود حلوة
بنصدقها علشان بتريحنا
و بنوصل معاها اننا بنأمن انها هتحصل ....
و بتعدى الايام و بيحصل عكس ما امنا به
و بيجى ع بالنا سؤال
هل اللى صدقناه ده حقيقية و الا كان كلام معزى خفف توتر الحاضر لكنه وهم المستقبل ؟!
بس اللى بيمنعنا اننا ننطق بالسؤال ده ع لساننا
انك صدقت و آمنت وقتها بيه ....
فهل يمكن لهذا الايمان جعل الوهم حقيقة!

الدنيا ماشية بضهرها

اغنية احمد شيبة ديه بجد بجد ملخص الحياة المؤلمة اللى عايشة فيها انا و غيرى
(اغنية الدنيا ماشيية بضهرها)
:
يا عينى يا ليل يا ليل يا ليل ياليل

الدنيا ماشيه بضهرها وحطت عليا



وقالتلى


لما سالتها انت الضحيه حرام يا دنيا مش


كده ده كتير عليا كل ده متاخدنيش كبش


فدا انا مش هافيه انا بتقطع من جوايا


ونسيت طعم الفرحه وانتى يا دنيا مش


فاكرانى غير بالنار والجرح كل ما اجى


افرح حبه دايما بتعذبينى كان ما بينى


وبينك طار وحالفه لتورينى عماله فيا


تشيلى وتحطى اعلى شويه وانتى توطى نفسى


يا دنيا تخفى شويه نفسى تحنى مره عليا ده


انتى يا دنيا بتلعبى بيا لا ده حرام وكتير


نفسى الاقى حظى معاكى وانسى همومى مره ده


انا طول عمرى عايش وياكى على الحلوة


وعلى المره متوهانى ومجننانى وقالبه


كيانى ومعذبانى حرام عليكى طيب ابوس


ايديكى حرام عليكى انا ابوس ايديكى


كل ما اجى افرح حبه دايما بتعذبينى كان


ما بينى وبينك طار وحالفه لتورينى عماله


فيا تشيلى وتحطى اعلى شويه وانتى توطى


نفسى يا دنيا تخفى شويه نفسى تحنى مره


عليا ده انتى يا دنيا بتلعبى بيا لا ده


حرام وكتير

وش

سماع من جوا وش
وش كتير ما بيخلصش
وش و صراعات
شتايم فى نفسى و خناقات
كتير من جوايا هس
و من برا مليون وش
بس وصلت لحالة ان اللى برا هس
ما بقتش محتاج اقول بس
شايف ناس ذى العريس
بتتعارك مع بعض و بتتخانق
بس مش سامع حاجة خالص
لان جوايا شغال
اكبر وش

جامد بس من جوايا هش

كبنت او ولد

كشاب او شابة

علمتنى الحياة بناسها

ان لو الدنيا معاك خاربة

لازم ما تبينش ما تعيطش

ما تقولش غير لناس حاسة

ناس يتلفوا فى علبة سوفينير

ناس قليلة ايوة انا عارفة

اصل انت بالنسبة الباقى مش فارقة

اولع اتحرق ان شاء الله تكون ميت

المهم مش عايزين الحياة بالنسبالهم تموت

اهتممهم لغيرهم مظهر 

او علشان يعرفوا و يجيبوا فى سيرتك لغيرهم

ف علشان تعرف او تعرفى تعيشى

وسط عالم انانى

من غير يووو و بس و هس

خرج اللى تعبك فى بتوع علبة السوفنير

و قدام غيرهم البس و اتشيك

و حطى مكياج و مانيكير

خليك من برا جامد 

و انت و علبتك عرفين 

ان من جواك هش

مفاجاة الخطوبة

مفاجاة الخطوبة اللى بقت منتشرة الايام ديه
اخطر حاجة ممكن تتعمل
المشكلة فيها ان الشاب اللى قرر يخطب اكتفى انه اتكلم مع خطيبته مرة مرتين شافها بتتكلم ازاى و بتتصرف ازاى و لا قالها اى حاجة و اعتمد ع انه اعجب بيها بشخصيتها و هى ممكن
تكون و لا حطاه فى دماغها و هوبا كلم اصحابها
اصل اصحابها اصحابه برده و هم فرحولها
و هوبا اتجمعوا و هوبا ركعلها ع الارض و فتح العلبة اللى فيها دبل الخطوبة
و هى بقى احرجت احراج لانه ما كانش يخطر ع بالها انه ممكن يحبها بس علشان كل اصحابها موجودين ووسط الناس الغرب و علشان قلبها طيب و ما تكسفهوش وافقت و قالت اجرب احيه
عدى يومين ، اسبوع، اسبوعين ، شهر
و هوبا اتفسخت الخطوبة لانها لما عرفته ما يعجبهاش و هو انخدع بالشكل و ما بصش ع الجو هر
احسن حاجة ان المفاجاة ديه تحصل بعد التعرف ع الشخص مع قدر كاف من الوقت
و لو مش حباه ما تقبلهوش هو دبس نفسه ع دماغه بقى 

جوا و برا

اللى فى بلد قايمة ع التقاليد الصح معندهوش التزام فى معاملتهم مع الناس او حتى التزام فى دينهم
اما اللى عايشين فى دول تقاليدهم ضايعة
عندهم التزام اكبر لدينهم علشان عارفين انهم لازم يعيشوا منشولين نفسهم بنفسهم علشان اخرتهم
فماتخليش تقاليد بلادك الصح شماعة ان التزامك بدينك يبقى صورى
فى غيرك بلده خربانة و احسن منك

البلوتيكة

البلوتيكة فى الزمن ده اسلوب حياة
لو مش عارف تعيشها
هتتداس من الناس
حاجة كدة اللى بيعملوها
بيكونوا من صغرهم رضعينها
هى اساسا فى الدين سمى نفاق
و النفاق اساسا حرام
انا انا اعلى ربونى ع الصراحة
و الصراحة بتكون راحة
ساعات بتودى فى داهية
و اخرتها معاك فى الدنيا وحشة
بس دايما بفكر
ان فى الاخرة فى حساب
يولع الناس بيها
بس لما اتحاسب قدام ربى
يكون ضميرى مرتاح

البلوتيكة فى نظرى سلاح
سكينة صحبها بيقتل نفسه ويرتاح
سكينة بتموت ضمير
بتريح علشان من خلالها
بتكسب كتييير
بس ايه الكسب اللى مش لطيف
لما تفخم فى حد حمااااار
و فى طهره تتف عليه

البلوتيكة  بقى عندها عيال
اسمهم المحلسة ، السهوكة ، المرقعة
ما بيختلفوش ع امهم
غير فى درجة البوتيكة بتاعتهم
و بما ان الكل محروم
من الاهتمام من التقدير
من كلمة تشجيع 
فالبلوتيكة و عيالهما بيصطادوا 
المحروم و يقلفوه

قلم و استيكة

قلم و استيكة
بالنسبة لبعض الناس انتيكة
و لبعضهم بيودى فى دهية و مصيبة
و ناس تانية مسكوهم
فى فبركة كبيرة
و ناس تانية الاتنين دول
اكبر احلامهم القديمة
القلم ليه اشكال كتيرة
ناس عايشة حياتهم
عقلهم هو قلمهم
و ناس عايشة حياتهم
لسانهم هو قلمهم 
و ناس عايشة حياتهم
بصمتم او رجليهم هو قلمهم
اما الاستيكة فلها شكلين
اداة ممكن تودى و تجيب
ممكن تحيى و تعيش ناس
ة اداة تريح الواحد
لما يستخدمها العقل
و يشييلها و يحط بدلها النسيان

الزهر

كل الناس الزهر بتعهم لعب معاهم
او بيلعب
او بيمشى
او حتى بيحبى
الا انا الزهر بتاعى لسة بيسنن.

و جهة نظر

ليه وحدة صحبتى متفائلة اوى فى الحياة
كاتبة ع صفحتها ع الفيس
لما الحياة تديك ع قفاك و توقع
لازم تقوم و ترفع راسك لفوق

فكان ردى عليها 

يعنى عايزانى ابقى كدة

وجهة نظر برده.

القرايب

القرايب دول يا شيخ 

ناس كدة غريبة و مريبة

حياتهم بتكون ضايعة

و بيوتهم ممكن تكون مخروبه

و سايبين كل ده 

و عاملين فيها اخصائى اجتماعى لحياتك

مع انك عارف بلاويهم 

و لو فتحت بوقك هتوريهم 

بس علشان سنهم مراعيهم

و الاغرب بقى

فى ابوك و امك

عارفين هم كمان بلاويهم

و بيقارنوك بعيال قريبك

و انت عارف انهم ضاعيين 

و فى الصياعة مستبيعين

بس باين انه منهج حياة

عند كل القرايب و الوالدين

الفرج

ذى ما كل طالب مستنى اللحظة اللى يكتب فيها بوسست ع الفيس

اخيرا انا نجححححححححححت

و ذى كل بنت مستنية تكتب بوست ع الفيس 

اخيرا انا هتخطب او اجوز

و ذى كل صاحبة مستنية تكتب بوست ع الفيس

اخيرا انا صاحبة العروسة

انا و غيرى مستنين نرفع راسنا لفوق و نقول 

اخيرا يارب فرج 

سارح فى غربة بس مش مغترب

سارح فى غربة بس مش مغترب
جملة ممتازة اختارها منير فى اغنيته
معظمنا عايشها و حاسس بيها لكن مش عارف يعبرها
استرجع ذكرياتك كدة للشارع اللى كنت بتمشى فى كتير
و بص ع نفسك دلوقتى
بالرغم ان الشارع ده جنب بيتك
لكنك دلوقتى لو مشيت فيه
هتلائى حاجات كتير اتغيرت
و محلات كتير اتفتحت جديد
التغير الغريب اللى حاسس بيه ع المكان
اللى ممكن يكون بالنسبة لغيرك عادى
ده مش نابع لانك كنت مسافر سنين و راجع
و لا بسبب انك شغال فى شغلانة فمش بتمشى فيه
لا الحقيقة بتاعة جملة (سارح فى غربة بس مش مغترب)
ان  كتر القلق و المشاكل و الهموم نسيت نفسك
شكلك ، منظرك اتغير ، خسيت اوى ، شعرك ابيض الهم
اتبهدلت
مباقش ليك نفس حتى تنزل او تشوف الناس
كدة انت ( سارح فى غربة)
بس لسة فيك نفس بيتنفس لسة فيك قلب متالم بيدق
لسة فى حواسس شغالة
لسة فى جسم ماشى ع الارض و الناس شايفاك( بس مش مغترب)
فطبيعى لو نزلت الشارع اللى طول عمرك زمان كنت بتنزله و تلائيه اتغير
ده علشان مخك و قلبك مش مركز غير فى همومه ( سارح فى غربة) بس قدام الناس ماشى و بتتنفس ( بس مش مغترب).

التعجيز

التعجيز ...
احساس مقرف و خنيق
احساس بيالم اى حد
بيدور على اى حاجة
تكون ليه الطيب
كل حاجة بتكون تمام
و تيجى ع حاجة واحدة
و كل شئ يصبح ملهوش اوان
و ترجع تانى تكتئب
على الحلم اللى انتهى
من قبل حتى ما يبتدى

التعجيز
احساس صعب و بغيط
و خصوصا لما تلائى غيرك نجح
و انت لاقل حاجة حلمك وقف
علشان اقل حاجة ديه برده
فيها تعجيز....

التصويت لحقوق المراة

المرأة المتجولة تمضى قدما
باحثة عن أرض الحرية
و كيف لى ان اصل هناك؟
فيجيب المنطق:
"ثمة طريقة وحيدة
طريقة وحيدة فقط
حتى اعمق اعماق الاجتهاد
خلال امواج المعاناة
لا طريق دونها
" المرأة"
اللى رفضت كل شئ لكى تتمسك بحقها
لاى غاية امضى الى تلك الارض البعيدة حيث لم يصل اليها احد؟
فأجابها المنطق فقال :اهدئى ماذا تستمعين؟
فقالتله: اسمع صوت الا قدام الآف المرات تضرب الارض
انها اقدام للذين سيتبعونك لقيادتهم.
مقتبسة من فيلم : Suffragette