الاصيل ، النوادر،احجار و جواهر مش ازاز

كل الجواهر اللى ع الارض ازاز
اما الاحجار و الجواهر الاصلية نادرة
تحت الارض مدفونة
محتاجة تدوير علشان تلائيها
علشان هى مش سهل تلائيها
لازم تعب و تتذبل و تتحكرت علشان تملكها
الجواهر ديه اى حاجة فى حياتك كبنت غالية و نادرة
وظيفة كانت حلم حياتك
شريك حياتك الاصيل
سفرية جامدة
اصحاب نادرين
اى حاجة او حد ممكن يحسسك للحظة بالاندهاش بعد سنين من التعب

الناس و الدنيا

الناس عاملين ذى الوحوش بيأكلوا و ما بيحسوش
والدنيا ديه رقاصة رقصتها يا أما دواخة
و رنة طبلتها ياما رنت ع قفانة
بتأخد اكتر ما بتدى
و فى سرعتها عمرها ما بتهدى
فى عز الفرح تمد
و فى همك ما بتتهد
و ياما يا ما بتغرى ....و فى جمالها بتقضى ع اللى بيبيعوا  عقلهم ليها و معاه عربون اخرتهم
و اللى يتعبدها تضيعه
تخلق فيه حقد يموته
و يوم ما تزهق منه تخلعه
ذى خلع الطرس من الجذر توجعه
و يرجع بعديها يندم ع الجسد اللى ضيعه
فى عذاب الدنيا و روحه ف نار اخرته