عندما تنهئ العقول

بقى الدول العربية اللى بتفهم بتطلب عمالة من اهلها من غير خبرة
و بيكونوا عايزين من برا ناس بخبرة لا تقل عن ٣ سنين
احنا بقى فى مصر الفتاكة
العمالة من اهلها بخبرة و من برا برده بخبرة
لا و ايه كدة او كدة بنفس المرتب ٨٠٠ ج
طب ورحمة الغاليين الائى انا منين وظايف مش عايزة خبرة علشان اخد منها خبرة علشان اروح اشتغل فى الوظايف اللى عايزة خبرة .... ها ها ؟!!!😠

طريقة جديدة لربح المال

عايز تكسب فلوس بالدولار و انت اعد فى البيت؟
عايز تجيبهم بطريقة بسيطة مش معقدة ؟
فى موقع اسمه يوجوف
ده موقع استطلاعات
كل استطلاع بتخلصه
بتاخد عليه  50 نقطة و كل ما بتخلص استطلاع بتاخد نقاط
لكن ايه علاقته بالدولار؟
بسيطة : كل ما تحل استطلاع كل ما هيكون معاك 50 نقطة
او ما توصل ل 5000 نقطة تقدر تسترد النقط ديه دولارات
كل اللى عليك تدخل ع اللينك ده
https://mena.yougov.com/ar/refer/ILEgun5H9t40HcjBwc8JwQ/

و تسجل ايميلك و رقمك السرى و بياناتك
و بيتم الدفع ليك من خلاك الويسترن يونيون.

شرح التسجيل من هنا :

https://www.youtube.com/watch?v=rEcHWF5IUmg

الخوف

الواحد بقى خايف
ياخد خطوة لقدام
بقى دايما ساكت
و من جواه مليان كلام
اصله اتلسع كتييير و لسة
و ياما جاب زبادى و نفخ
بقى يحط افتراضات كئيبة
اصل هو عايش لوحده
و دي بقى المصيبة
ماتقوليش اهل بتسال
ما تقوليش قرايب بتسند
احنا فى الزمن الكل بايع
غيره علشان نفسه
و لما بنختار اوى و تسال ربنا
ما بيجاوبش
او بيجاوب و من الهم مابتفهمش
المهم بعد كل ده
الخطوةاللى جاية
انت مش هتعملها بنفس
مش هتعملها بمزاجك
لا ديه هتعملها علشان
ما تجبيش ب١٠ج زبادى
و نقعد تنفخ فيهم 

اغنية مشاعر

اغنية مشاعر ملخصة كل المشاعر المؤلمة اللى عايشة جوا كل واحد و مغممة حياته
كل سطر فيها بيتكلم عن ظروف كل واحد فينا

مشاعر تشاور تودع مسافر 
مشاعر تموت وتحي مشاعر
يادى يادى يادى المشاعر يادى يادى
يادى يادى يادى المشاعر يادى المشاعر
اللى غرب نفسه سافر من آلام المشاعر
واللى نفسه يعيشها تانى هى هى المشاعر
واللى دارى ببأتسامه من عينه مر المشاعر
واللى نفسه قصاد حبيبه يبان عليه حبت مشاعر
يادى يادى يادى المشاعر يادى يادى
يادى يادى يادى المشاعر يادى المشاعر
اللى بيفكر يفارق بس لولا المشاعر
واللى سامح حد جارح راضى ذل المشاعر 
واللى ايديه فى ايد حبيبه بس مش حاسس مشاعر
واللى راجع بعد لما انتهى وقت المشاعر
يادى يادى يادى المشاعر يادى يادى
يادى يادى يادى المشاعر يادى المشاعر
كل حاجة ناقصة حاجة وانت مش جمبى حبيبى
نفسى اعمل اى حاجة بس ترجعلى حبيبى مشاعر 

الغدر

الغدر بقى سوق
بتباع فيه الناس
الناس الطيبة ذات القلب الاحساس
و اللى يشترى و يبيع فيهم
 اشرار النفوس  والذات
قوانين البيع النصب و الاحتياط
الكذب و الظلم و سرقة المال
الانانية و التكبر و الاحتياط
علشان يبقى بشوات و كبار
و يولع بقى غيرهم و يداس
و بعدين لما يخسروا نسبة
يحكوا و بقوله ارحموا من فى الارض
يرحمكم خالق السما....!

محتار

المحتوى ل+١٥
محتار فى زمن كل انهيار
تعبان و زهقت من المرار
قرفان من الحياة و من القرار
مخنوق من الذل و الانكسار
ملعون القريب قبل الغريب
و ملعون الفلوس اللى بتشعلل النار
ملعون الحياة اللى عيشتها مرار
تبقى وسط ناسك و مالائيش فيهم جدع
لبسين وشوش و القلب فيهم انخدع
يقولك القريب سند و ظهر
بس خلاص احنا فى زمن غدر
اقرب الناس ليك يدفعوك للكفر

اعتراف

كتاباتى لا اكتبها بمزاجى
بل الفكرة الواحدة احساس
كلماتى لا تاتى بمحهوداتى
بل الله يرشدنى اليها
اعتراف منى انا
ان ربى ابرع كاتب الكلمات
اترك قلبك مفتوح يشعر بالناس
و اذنيك و عقلك مفتوحين لله
و تاكد متى فعلت هذا
ستكتب احسن من موضوعاتى
و لكن تذكر ان لا تنسب فضلا لك
بل انسب الفضل لربك
و عندما تحقق نجاحا حتى و لو بسيطا
لاتنسى الا تكتب اعترف مثل اعترافى

التزام بمزاج

صحيح الالتزام حلو
مفهوش فى كلام
بس ما يبقاش التزام بمزاج
و الا الالتزام يجى  ع ناس
و ناس تانية تتهشك و تتباس
علشان خاطر بس لسانهم طويل
و ان علشان القلب طيب يجى عليه كتييير
بس احب انذر
ان بعد صبر تعمل من الطيب جبروت

اقرا باحساسك

الفكرة انى هكتب كلام بصور و اشارات
و كل واحد و باحساسه و مشاعره هيقرأها
القراءة من الشمال لليمين
ابعتولى تعليقاتكم قرأتوها ازاى
🌍🔪
💔😭🚻
😭😴
😭🍶
😭😂
💖🚞
🎭🕛🕐🕑🕒🕓🕔🕕🕖🕗🕘
🌍♻

شمال

خدها منى تصبحى
ما تبصش فيها ع سن
بص ع خبرة
بص ع محنة
بص ع الم
فى ناس بتحكم ع غيرها بسرعة
فى ناس سئ الظن
و فى ناس دماغها شمال
و فى ناس دماغها وقعة من ع المحور
و فى منهم اللى وقعين من ع الدائرى
ربنا يحفظك من شر اخر اتنين.
قول آمين.

كلام بنات-ربك ستار

اقولك ع سر
هو مش سر
هو علم للى عرفه
و سر للى مايعرفوش
عارفين السياحة ضايعة ليه
مش هقولك بقى ناحية اقتصادية
و لا الكلام اللوكلوك الكتير ده
السياحة وقعة
علشان الحفلة اللى بتتعمل ع السايح
لو قبلته مجموعة بنات
بالبلدى
تحس معمول اعدة قمة الامم المتحدة بس النسائية فى المحاولة لوضع خطة لتحسين النسل و تعديل الجينات
اه و الله
و تحس كدة بيتشاوروا مشاورات لو كانت اتعملت فى حرب اكتوبر كنا انزلنا خط برليف فى ٣ ساعات مش فى ٦ خالص
الكل فجاة بيتكلم انجليزى حتى اللى ساقط فيه من ابتدائية
السايح تحسه مخطوف كدة
و تحس انه لو دخل مكان و فيها الاعدة ديه
هيطلع خاطب
انا كبنت شفت المشاورات ديه قبل كدة
بس ربك ستار

وظايف خالية

سؤال قهرنى
يمكن الائى اجابة تريحنى
لما الواحد يكون متمرمط
بعد سنين كلية متشحور
سكاشن و محاضرات
عملى و نظرى و امتحانات
استظراف و اشتغلات
و اخر استعباط
و بعد طفح الكوتة
و مرار الطافح
و الليالى اللى اسود من قرن الخروب
يأتى السؤال
الوظايف اللى طالبة خبرات
انا الائى منين وظيفة مش طالبة خبرة
علشان اخد خبرة علشان اشتغل فى اللى عايزة خبرة ؟!!!
اذا كان ما فيش و لا وظيفة من دون خبرة
ايه التعجيز ده!
ايه التهيييس ده!
ايه الاحراج ده!

ملطوش ع قفاية

ملطوش ع قفاية
و الناس ما بتعملش حاجة
غير انها بتحكى الرواية
رواية  لطشات الحياة ع قفاية
كام كف  و كف فى الحياة نازل عليا
بيصبح و يمسى
بيسقع اللى مدفى
و يعنى ع ده كف
البلد كلها مريحها
كفها عليا انا بس
ما تقولش ياشيخ
قفاية one size
الكل عليه باصم بالعشرة👐
بس انا اتعلمت
يوم ما كف الحياة يطول
من حيث لاتدرى
هتلائى حتة كف رايح جاى ملطوش عليها
باصم بالعشرة و one size برده
منك نتعلم يادنيا
احفظها عندك يمكن تنفعك

سكت الكلام

سكت الكلام من القلب و من كل الحواس
سكت الكلام
سكت الكلام من اللسان و  ف الاذهان
سكت الكلام
لما الالم وصل لاقصى حداه
سكت الكلام
لما الحزن ملئ الكيان
سكت الكلام
لما مالائتش حد حاسس و لا دريان
سكت الكلام
لما الكل عايز الضحك الوش مش ما فى الوجدان
سكت الكلام
من كتير ما اتكلم اللسان و زادت الالامات
من الكتر الحكى اللى ما لهوش فايدة و لا امال
سكت الكلام لما بوقك وقف متشل و عقلك بقى عايش خيال
سكت الكلام لما الدمع اتحجر من الاحزان
سكت الكلام فى الثانية و الدقيقة اللى قررت ان مافيش فايدة من الحياة
سكت الكلام لما يكون العالم ماشى حواليك و انت ماشى بتعد نفس حياتك
سكت الكلام يوم ما حسيت بسكاكين بتنغرذ فيك من كل اتجاه
فى صدرك ، فى ظهرك ، فى قلبك ، فى عقلك و اتشليت ....فسكت الكلام

ملوح

ملوح و الحياة محتاجة من الواحد الف روح

فى زمن يا روح ما بعدك روح

مجنون و جنانى ليه طعم و لون

اخرج و من قلبك بوح

هتعيش اد ايه فى الزمن مجروح

ساعة لقلبك و ساعات لربك قبل ما تروح

خلى معاك ابتسامة مطرح ما تروح

متشعلق فى قشاية

متشعلق فى قشاية
بطير فى هوايا
هوايا ده هو الرواية
بطير فى هفة
هفة كانت ليا دهشة
عليا بتكون ملتفة
و العقل فيها واقف
فى ايد الناس شخليلة
مرت عليا سنين طويلة
كانت ساعات مريرة
محدوف مابينهم
من شمالى ليمينهم
و شايف الذل فى عنيهم
و الضحكة الماكرة بتلاغيهم
القلب ميت من قسوتهم
يارب ملناش غيرك
اشبعنى من خيرك
يارب فكرت فى
 رزق منه نتغنى
كحلم شاب انه يتهنئ
واضح انه ما كانش طريقى
و ان القلب اتعمى
عن صوتك بتنادينى
يا بنى ديه مش سكتك
و لا ده طريقى
لكن هعمل ايه فى قلب
اتغنى فى حب العالم و المغنى
بس اللى اعرفه يارب
ان فى الزمن ده لا
لا لأمثالنا انه يعيش و يتهنئ
اصل اللى يطلع منها
اكيد مش منا
فمطلوب منا نعيش
فى سجن مش فى جنة.

ترقبوا

انتظرونى فى قصيدة جديدة "متشعلق فى قشاية"

رنة خلخال

القصيدة ديه نابعة من قصة قصيرة

قمت بتأليفها عن فتاة بدوية قابلت رحال و اعجبوا ببعضهما و رحل .. و فى هذه القصيدة هى تناجيه...

يا سارح فى عيون القمر 

شد يالا الترحال

و افضل دايما عييد

و افتكر رنت الخلخال

بين الصبايا يا ولد 

مش هتلائينى هناك

ده انا غالية و الغالى

محفوظ ورا جبال الرمال

كل يوم بتكحل 

علشان خاطر زين الرجال

يابا يابا استنى 

قلبى جاى هناك

هناك هناك بيتغنى

فوق ع الجبال

و هو وصل اهو يابا

راجل و لا أشد الرجال.

شحات انا يارب ع بابك

شحات انا يارب ....
جيت ع بابك
ضمنى يارب فى حضنك
و اعطينى من زادتك
اقبلنى كأبنك فأنا
بدونك أكون يتيما
و بقبولك لى فأنت
تكفلني من حبك
اجعلنى اتكل ع صدرك
فاسمع بأذنى نبضات قلبك
فشمالك تحت رأسى
و يمينك يارب يعانقنى
و بجرحك يارب تطيبنى
و بلمسة روحك تريحنى
💜

صحراء الكون تغمسنى

اخبرونى يا قوم

اين اضع رأسى لارتاح

اهدونى يا قوم

الى طريق النوم

فان اجفانى من التعب تتراقص

ترتجف من الخوف تتساقط

فها انا وسط اهوال العالم سواح

خرجت من بطن امى

ووجدت ان القدر حكم على
ان اكون رحال

بين حبيبات صحراء الكون

تجدونى هناك

عندما تغوص تاخذنى معاه

و حين اقف لاتنفس تغمسنى

لاعماقها تخنقنى
لكن ايتها الرمال
عندما خلقنى الله
لم يخلقنى من حبيبات تتناثر
بل خلقنى من طين متماسك ليشكلنى

قدرات خارقة

و مين فينا ما اتخيلش
انه عنده قدرات خارقة؟
و مين فينا ما اتخيلش
فى وسط ظلم الناس ليه
انه اثبت صدقه؟
ومين فينا ما اتخيلش
فى وسط ظروفه الصعبة و فقره
و فى وسط ما كل الناس بتعايره بحالته
انه بقى عنده قدرات خارقة
ة بقى قدامهم احسن منهم ؟
الخيال جميل
عامل ذى البروفين
الخيال مخدر مش حرام ليك
بس الواقع صعب
و الاصعب لماتوصل بخيالك لحالة الملل
و ترجع تانى لواقع مرير
و تلائى نفسك فى كل الظروف ديه
و تقف مكانك محلك سر
لان ف الواقع ...مافيش قدرات خارقة

نهاية العالم و الكائنات الفضائية

و يبقى السؤال
ليه احنا يا بشر بنربط نهاية العالم بظهور الكائنات الفضائية👽👽👾؟

عجب

فى ناس ممكن يوصل معاهم الحالة
"ابصملك بالعشرة ✋✋ياشيخ علشان تصدق"

الفهيم و الفيلسوف

فى عز ظروفنها المحل
اللى سودها اسود من قرن الخروب
محتاجين حد يفهمنا
يفهم الكلام اللى مش قادرين نحكيه
يفهم صمتنا ... عجزنا
مش حد  فيلسوف فى الكلام فقد نقعد نفهمه ازاى هو يفهمنا 

الفن احساس

اللى انا عرفته يا جدعان
كان مش عادى لكل الناس
مش محتاج مهارة
و

ولع فى حب الكاميرات
ديه شوية خطوطة متعرجة
متمخطرة فى الاجواء
عملت اروع شكل لانسان
بها سبقت ابرع فنان
الطبيعة مش محتاجة رسام
الطبيعة محتاجة احساس
ادينى بس فرشتك و عدستك
اخليك تفرق بين محترف و حساس
ناس صورها فى جودتها
و ناس جودتها فى روحها

هزاز

ماشى ما بين الناس بتداس
وو فى عز خنقتك و ضيقك
بدل ما يراعوا قلبك المحتاس
شايف الضحك عليهم هتتباس
و الحياة مش فارقة معاهم
و لا تفرق انت معاهم
و لا يراعوا الاحساس
صحيح مش كل اللى بيضحك مرتاح
و فى بيضحك بس فى حياته محتاس
بس لما تبقى عارف ناس من الساس للراس
و يبقوا اقرب الناس
تفضل انك تسكت .......
و تمثل دور مرسال الابتسامات
و تحس انك ماشى وسط زحمة ناس
مش سامع مش حاسس تعبان
و كأن الارض تحتك بقت فعلا ...هزاز