الربيع

الله و الناس و ما بينهما من محبة

بستغرب اوى من الناس اللى ممكن توقف غيرها اثناء الصلاة اللى هى فترة اتصال بالرب
علشان بس تقول للمصلى مثلا ما تصليش ايدك لفوق لا ايدك لتحت  او بتتحرك ليه اثبت ...اصل الحركات اللى بتعملها ديه مش بتاعتنا ...ديه بتاعة طائفة او فئة اخرى من نفس الدين
و ممكن يمنعوا البنت اللى هتصلى فقط بنظراتهم و تهامسهم عليا: ايه ده هى لبسة جيبه ع البنطلون و ضيقة .....
😂😂😁 يا عالم يا فاضية ...يا دماغكم اصغر من حجم النملة بقى ربنا هتفرق معاه انت لما بتصلى بترفع ايدك ازاى و لا لا بس ايه
ماهو علشان كدة ربنا كبير اكبر من دماغكم الضبقة و عيونكم اللى ما بطلتش نقد
اللى ما بحبش نقيس الناس غير بالمظهر
لكن فى اللى بيقيس الانسان بالقلب
ربنا ما يفرقش معاه واقف ازاى اد ما قلبك ازاى و عقلك مشغولة بيه و الا لا
سؤاء كنت مسيحى او مسلم ما تحكمش ع غيرك يصلى ازاى و لا بس ازاى و واقف ازاى ...عينت نفسك ربنا امتى؟؟!
ثانى حاجة و اهم حاجة ماحدش يجى يقول لعياله او رجل قدوة لغيره يوعظ : يا جماعة احنا لازم نحب من هم فى غير ايمانا
ايها الفاضل سؤال يستوقفنى: كيف تريد منا محبة الغير و ليس هنام محبة لمن هم ليسوا من ايمانا!!!
سيبدأ الانسان تلقائيا فى محبة من هم ليسوا ف نفس الايمان عندما يكن فى قلبه المحبة لمن بمثل ايمانه
لان بالبساطة المحبة ليست مكتسبة
المحبة فطرية و لكن هناك من يقتلها و هناك من ينميها..

معرض الكتاب

افاق

                                                                       

                                                         افـــــــــــاق

فؤاد المهندس قماش

امين

الشدة ليها ناسها

فى ناس فى الحياة
مولودين و معاهم دايما 
اتنين لمون و شليموه و شمسيتين
عايشين فى ‫#‏روقان‬ و ماشفوش فى يوم ‫#‏العذاب‬

شكولاتة فرسكا (السمائية)

ربنا مش مستنى انك تأكل شكولاتة(فريسكا ) 
علشان تندهش ...
ربنا يعرف يدهشك بدون الوان صناعية او مواد حافظة 
بس هو مستنيك تصدق انه يقدر يدهشك 
سواء فى شر يدهشك انك تعدى بدون اذى او فى خير يحصل بفرح😄
تاريخ البداية هو تاريخ تصديقك
و تاريخ الانتهاء هو تاريخ تخليك ع التصديق
تاريخ الصلاحية من : ؟؟؟؟
الى: ما لانهاية
صدق ...تفرح
مع تحيات شكولاتة فرسكا السمائية
امن.. اندهش

what's the meaning of my life?

....قصيدة :*حياتى*
اريد ان يحدث  الرب............ تغييرا فى حياتى
من الاسوأ الى الاحسن...........و الى مفضلاتى
ان يبعث الفرح ........... فى كل اوقاتى
و ان يمسح دمعى ........و يرسل قبلاتى
اريد ان يصلح وجهى....... فى الليل مضاءً
من البسمة و الفرح........ ينير فيه إشراقاً
و ان يختلف ليلى......... عن ليالى غيرى
فأن ليلى قد اختفى.........فيه و منه تنهداتى
أريد ان استيقظ ......... ع الفرح فى صباحى
و كأن السعادة قد........ اشبعت لى احتياجاتى
و نفسى قد أنشرحت ..... حينها هذه هى حياتى

                                                

سعادة نملة

ياللى ماشى فى الشوارع
ورافع راسك فوق
بتنادى ع الحرية
و الا ع رب القلوب
مخنوقة من الدنيا
و الا بتعد النجوم
و الا نفسك تصرخ
و مافيش فى النفس صوت
نقعد تسكت ...
تتآمل فى خلق الكون
تفكر تتذكر
ماضيك كان بالمقلوب
اقول ياريتنى فى  ماضى
اعدل فيه و لو يوم
اقولك ده مش ممكن ترجع ناس من الموت
مش هتخبط الارض يطلع منها بحور
و لا من قصايص ورق تعمل قصور
و لا من فتات زجاج تصنع بلور
خلاص انسى
الماضى خلاص بقى طيور
اقولك بص لتحت .. لتحت
لتحت كمان و كمان
هتشوف اللى ما شوفتهوش زمان
اصغر خلق الله بتشتغل من غير هوان
مش بقولك عيش من غير احساس
انا بقولك عيش و حس بالناس
اضحك و ارسم البسمة ع الوشوش
و كفاية شيل المهم بقى و وجع القلب
   **   يا ابنى عيش و اتهنئ
    **    ديه الدنيا مش فارقة
     **     و العالم مش فارقة
    **         خليك ذى النملة

مقامات

خلى فى حياتك عن الناس
٤ حاجات
و واحدة ٥ على اساسها هتيجى ال ٦
اولهم: ورقة وقلم و اكتب كل اللى تعرفهم ...حتى اللى مش بطيقهم.
ثانيهم: اللى مش بيحترمك و لا بيبصلك و لا بيطيقك علشان لبسك او ذوقك او كلامك او انه غيران منك او مستواك او منافق ليك او مش معبرك اشطبه من اللستة .... و شايف بقى برميل الزبالة ده ايوة شاطر اكتب اسماء دووول فى ورقة و كعورها و هبة جووووون فى الزبالة.
نرجع لثالثا: ورقة كدة جديدة حلوة و من الورقة بتاعة اولا اكتب اسماء اللى جم فى عزا حد عزيز عليك و تنازلوا عن اى حاجة عندهم او كلموك ع الاقل فون و عزوك او ع الفيس فى وقتها او بعديها بيومين مش اسبوع ...ايوة و باكد الناس اللى جم فى وقت الشدة
الورقة ديه بقى خليها ع جنب
رابعا : الورقة بتاعة اولا قطعها و ارميها
خامسا بقى المهمة اوى : شوف من رابعا مين اتغير عليك و نسيك و بيستعبطك ...هتعمل ايه  ورقة كدة و اسمه و فى نفس برميل الزبالة و هوبة جووووون فى الزبالة
سادسا بقى: وقت فرحك او خطوبتك او تخرجك او هبلك او عبطك او فى نجاحك او استهبالك و رخمتك الحلوة اعزم الناس اللى اسمائهم فى ورقة ثالثا و اعزمهم ....
حتى و لو كان العدد ١
لان الناس لبعضها مش كمالة عدد
خد بالك يا ما بنستعبط و بنستهبل بس كل واحد باعماله محدد نفسه هو هيبقى ف. ورقة ثالثا و الا فى برميل الزبالة.
انا شخصيا بعمل كدة ....#حدد_مكانك