دور علشان تفهم فتقرر

خائف؟؟؟ ليك حق تخاف ، طب ما انا خايفة ذيك
قرفان؟؟ ليك حق تقرف ما انا قرفانة ذيه
بس خد تعالى هنا مين اللى حسسك بالقرف و الخوف ده ؟؟!
انت من نفسك كدة ؟؟!
و الا الناس هم اللى جعلوك كدة!
مثال بسيط : لو قولتلكوا مثلا اكل الاخطبوط !
ايه اللى هيجى فى دماغك ؟؟؟
يع ايه ده ايه القرف ده
ازاى ناس اتاكل البتاع ده
طب انت اول ما اتولدت و عرفت ان فى كائن بحرى اسمه الاخطبوط و عرفت ان الاسماك بتتاكل هل كانت عندك الاجابة مسبقا ان الاخطبوط بيتاكل و الا لا؟؟؟
الاجابة اكيد لا
بس انت علشان فى دماغك ربط الاسماك و اكلها بالاخطبوط فقولت اكيد بيتاكل
و بعدين اكيد روحت سالت اهلك ليه مش بناكل الاخطبوط؟؟!
و طبعا اهلك اقولك نفس الرد اللى حتى الان انت بتقوله : يع ايه القرف ده
اللى عايزة اوصله من كل ده
ان ليك حق تتقرف و تخاف و تهرب و تتعصب
بس ما يكونش ده بناءا ع اراء و قرارات الغير
بعد ما تقرف و تخاف و تهرب و تتعصب
ارجع دور ع الحاجة ديه و شوف بالنسبالك هل ديه حاجة تقرف و تخوف و تخليك تهرب و تتعصب ؟!
ما تخليش تخيلات و افكار غيرك تقيدك .... خليك جديد ، مميز
دور علشان تفهم فتقرر....